ທ້າວ ພອນໄຊ

ເສຍຊີວິດ ຫືຼ ເສຍອົງຄະແບບສິ້ນເຊີງ ແລະ ພິການຖາວອນເນື່ອງຈາກ ສາເຫດທົ່ວໄປ

ເສຍຊີວິດ ຫືຼ ເສຍອົງຄະແບບສິ້ນເຊີງ ແລະ ພິການຖາວອນເນື່ອງຈາກ ອຸປະຕິເຫດ

ເສຍຊີວິດ ຫືຼ ເສຍອົງຄະແບບສິ້ນເຊີງ ແລະ ພິການຖາວອນເນື່ອງຈາກ ອຸປະຕິເຫດທາງລົດຈັກ

ຂ້ອຍຈະໄດ້ຮັບຄວາມຄຸ້ມຄອງ 1 ປີທັນທີ, ຫຼັງຈາກທີ່ສັນຍາຂ້ອຍໄດ້ຮັບການອະນຸມັດແລ້ວບໍ່?

ເພື່ອປົກປ້ອງຜົນປະໂຫຍດລູກຄ້າ, ພາຍໃນ 5 ວັນລັດຖະການຫຼັງຈາກການສະໝັກ, ທາງບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈໍາກັດ ມີສິດໃນການຂໍເອກະສານທີ່ຈໍາເປັນເພີ່ມຕື່ມ ໂດຍອີງຕາມຂັ້ນຕອນ ການຮັບລູກຄ້າ ໃໝ່ ຫຼື ໃນກໍລະນີ ທີ່ທາງ ບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈໍາກັດ ເຫັນວ່າເອກະສານທີ່ໃຫ້ມານັ້ນບໍ່ຄົບຖ້ວນ. ທາງບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈໍາກັດ ມີສິດທີ່ຈະປະຕິເສດການສະໝັກ ແລະ ສົ່ງຄ່າທໍານຽມຄືນ ຖ້າຫາກບໍ່ໄດ້ຮັບເອກະສານທີ່ຂໍໄປພາຍໃນ 7 ວັນ. ການທີ່ເອກະສານບໍ່ຄົບຖ້ວນອາດຈະມີຜົນຕໍ່ເວລາທີ່ໃຊ້ໃນການພິຈາລະນາການຮ້ອງຂໍສິນໄໝທົດແທນ ແລະ ການຮ້ອງຂໍດັ່ງກ່າວອາດຈະຖືກປະຕິເສດໄດ້.

ຖ້າຫາກການລົງທະບຽນຂອງຂ້ອຍບໍ່ສຳເລັດ, ຈະມີການແຈ້ງເຕືອນ ຫຼື ການຕິດຕໍ່ກັບແນວໃດ?

ພວກເຮົາຈະຕິດຕໍ່ກັບຫາທ່ານເພື່ອແຈ້ງກ່ຽວກັບເຫດຜົນ ແລະ ຂັ້ນຕອນຕໍ່ໄປ. ຖ້າຫາກພວກເຮົາບໍ່ສາມາດຕິດຕໍ່ຫາທ່ານໄດ້ພາຍໃນ 7 ວັນ, ພວກເຮົາຈະສົ່ງການແຈ້ງເຕືອນຜ່ານທາງຂໍ້ຄວາມ ແລະ ດຳເນີນການຄືນເງິນ. ໃນກໍລະນີດັ່ງກ່າວນີ້, ທ່ານຈະຍັງບໍ່ສາມາດໄດ້ຮັບຄວາມຄຸ້ມຄອງເທື່ອ.

ຜູ້ທີ່ບໍ່ແມ່ນສັນຊາດລາວ, ສາມາດຊື້ ພຣູໄລ້ ສະຕ໋າດເຕີ້ ໄດ້ບໍ່?

ໄດ້ເຈົ້າ, ສຳລັບຜູ້ທີ່ຖືສັນຊາດອື່ນແມ່ນສາມາດຊື້ຜະລິດຕະພັນນີ້ໄດ້, ໂດຍການນຳໃຊ້ເອກະສານອ້າງອີງ ເຊັ່ນ:  ໃບອະນຸຍາດພັກເຊົາ ຫຼື ໃບອະນຸຍາດເຮັດວຽກ ຫຼື ວີຊ່າດຳເນີນທຸລະກິດ (ເອກະສານດັ່ງກ່າວຕ້ອງມີອາຍຸການນຳໃຊ້ຢ່າງໜ້ອຍ 6 ເດືອນ).

ສາມາດຊື້ ພຣູໄລ້ ສະຕ໋າດເຕີ້ ໃຫ້ຄູ່ສົມລົດ ຫຼື ໃຫ້ຄອບຄົວໄດ້ບໍ່?

ໄດ້ເຈົ້າ, ໂດຍຜ່ານການໃຊ້ເບີໂທລະສັບຂອງຄູ່ສົມລົດ/ສະມາຊິກຄອບຄົວຂອງທ່ານເພື່ອລົງທະບຽນ ແລະ ສ້າງບັນຊີ PRUShoppeeໃຫ້ແກ່ພວກເຂົາ, ສະໜອງຊື່ເຕັມ, ລາຍລະອຽດການຕິດຕໍ່ ພ້ອມກັບເອກະສານຫຼັກຖານການຢັ້ງຢືນຕົວຕົນ. ຫຼັງຈາກນັ້ນ, ຜ່ານການອະນຸຍາດຂອງພວກເຂົາໂດຍລະຫັດຜ່ານຄັ້ງດຽວ (OTP) ທີ່ຈະຖືກສົ່ງໄປຫາເບີໂທລະສັບຂອງພວກເຂົາ, ພວກເຂົາກໍ່ຈະສາມາດນຳໃຊ້ບັນຊີຂອງພວກເຂົາເພື່ອຊື້ຜະລິດຕະພັນນີ້ໄດ້ແລ້ວ.

ໃນໄລຍະເວລາທີ່ໄດ້ຮັບຄວາມຄຸ້ມຄອງ ຈະສາມາດປ່ຽນແປງຂໍ້ມູນຂອງຜູ້ໄດ້ຮັບຜົນປະໂຫຍດບໍ່?

ໄດ້ເຈົ້າ, ສາມາດດຳເນີນການປ່ຽນແປງຂໍ້ມູນໄດ້. ໂດຍການເຂົ້າໄປທີ່ PRUShoppe ແລ້ວໃສ່ລາຍລະອຽດ ແລະ ຂໍ້ມູນທີ່ຈຳເປັນຕາມຂັ້ນຕອນ.

ຖ້າຫາກມີການຕໍ່ສັນຍາ, ຄ່າທຳນຽມປະກັນໄພຈະມີການປ່ຽນແປງບໍ່?

ໃນຊ່ວງໄລຍະການຕໍ່ສັນຍາ, ຄ່າທຳນຽມປະກັນໄພຈະມີການພິຈາລະນາຄືນໃໝ່ ແລະ ຈະມີການປ່ຽນແປງ ເຊິ່ງຂຶ້ນກັບແພັກເກັດທີ່ທ່ານເລືອກ.

ໃນກໍລະນີ ທີ່ຂ້ອຍບໍ່ໄດ້ມີການຮຽກຮ້ອງຂໍເງິນສິນປະກັນໄພທົດແທນໃນຊ່ວງໄລຍະການຄຸ້ມຄອງຂອງສັນຍາປະກັນໄພ, ຂ້ອຍຈະໄດ້ຮັບເງິນທົດທີ່ຂ້ອຍໄດ້ຊຳລະຄ່າເບ້ຍປະກັນໄພ ຫຼື ໄດ້ຮັບສ່ວນຫຼຸດສຳລັບການຕໍ່ສັນຍາສະບັບຖັດໄປບໍ?

ບໍ່ໄດ້ເຈົ້າ, ຈະບໍ່ໄດ້ມີການຄືນເງິນທີ່ໄດ້ຊຳລະໄປສຳລັບຄ່າເບ້ຍປະກັນໄພ ແລະ ບໍ່ໄດ້ມີສ່ວນຫຼຸດເຊັ່ນດຽວກັນ, ໂດຍອີງຕາມຂໍ້ກຳນົດ ແລະ ເງື່ອນໄຂຂອງຜະລິດຕະພັນນີ້.