ພຣູເດັນໂຊລ໌ໄດ້ຮັບອະນຸຍາດໃຫ້ເປີດ ເປັນສຳນັກງານຜູ້ຕາງໜ້າປະຈຳ ສປປ ລາວ
ວຽງຈັນ, ສປປ ລາວ (ວັນທີ່ 19 ມີນາ 2015) - ພຣູເດັນໂຊລ໌ ມະຫາຊົນ ("ພຣູເດັນໂຊລ໌"), ພຣູເດັນໂຊລ໌ເປັນກຸ່ມບໍລິສັດທີ່ໃຫ້ບໍລິການທາງດ້ານການເງິນ ສາກົນ ທີ່ມີຫົວໜ່ວຍທຸລະກິດຢູ່ອາຊີ ອັງກິດ, ອາເມຣິກາ, ມື້ນີ້ເຮົາຂໍແຈ້ງວ່າພວກເຮົາໄດ້ຮັບໃບອະນຸຍາດດຳເນີນທຸລະກິດຢູ່ ສປປ ລາວແລ້ວ ໂດຍໄດ້ຮັບອານຸຍາດຈາກກະຊວງແຜນການ ແລະການລົງທຶນແຫ່ງ ສປປ ລາວ.
ພຣູເດັນໂຊລ໌ເປັນບໍລິສັດປະກັນໄພຄັ້ງທຳອິດຂອງບໍລິສັດລະດັບສາກົນທີ່ໄດ້ຮັບອະນຸຍາດມາດຳເນີນທຸລະກິດໃນ ສປປ ລາວ. ຫ້ອງການຕາງໜ້າຢູ່ນະຄອນຫຼວງວຽງຈັນຈະໄດ້ເປີດຂື້ນໃນໄວໆນີ້.
ການເປີດຫ້ອງການຜູ່ຕາງໜ້າແມ່ນບາດກ້າວທີ່ສຳຄັນໃນການດຳເນີນທຸລະກິດຢູ່ລາວ. ຫ້ອງການຜູ່ຕາງໜ້າເປັນຜຸ່ວາງພື້ນຖານອານາຄົດໃຫ້ແກ່ບໍລິສັດປະກັນໄພຊີວິດ ພຣູເດັນໂຊລ໌ເຊິ່ງສະໜັບສະໜຸນຄໍ້າຊູວຽກງານທີ່ສຳຄັນຂອງລັດຖະບານເພື່ອແນໃສ່ພັດທະນາທາງດ້ານການບໍລິການການເງິນໃຫ້ແທດເໝາະກັບຄວາມຈຳເປັນຂອງ ປະຊາຊົນລາວ.
ພຣູເດັນໂຊລ໌ເປັນບໍລິສັດປະກັນໄພຊີວິດຊັ້ນນຳ ທີ່ມີໜ່ວຍງານເຖິງ 14 ແຫ່ງໃນອາຊີ,ເຊິ່ງຕອບສະໜອງ ຜະລິດຕະພັນທີ່ຫຼາກຫຼາຍພື່ອໃຫ້ແທດເໝາະກັບຄວາມຕ້ອງການຂອງລູກຄ້າຫຼາຍກວ່າ 14 ລ້ານຄົນໃນຂົງເຂດນີ້ກ່ຽວກັບການຄຸ້ມຄອງ ແລະ ສະສົມຊັບ . ການຂະຍາຍເຄື່ອຄ່າຍເຂົ້າມາ ລາວນີ້ກໍເພື່ອເປັນການເນັ້ນໜັກເຖິງຂໍ້ຜູກພັນຂອງພຣູເດັນໂຊລ໌ທີ່ມີຕໍ່ອາຊີ ພ້ອມຍັງເປັນສ່ວນໜຶ່ງໃນຍຸດທະສາດເພື່ອຂະຫຍາຍຕະຫລາດໃນພາກພື້ນນີ້ອີກດ້ວຍ.
ທ່ານ ແບຣີ ສະໂຕ, ຫົວໜ້າບໍລິຫານຂອງພຣູເດັນໂຊລ໌ຄໍປໍເຣຊັ້ນອາຊີໄດ້ໃຫ້ຄຳເຫັນວ່າ "ພວກເຮົາມີຄວາມພາກພູມໃຈຫຼາຍທີ່ໄດ້ຂະຫຍາຍຕາໜ່າງເຂົ້າມາໃນລາວ ເຊິ່ງ ສປປ ລາວມີທ່າອ່ຽງ ຈະເລີນເຕີບໂຕໃນຕໍ່ໜ້າ.ການປະກັນໄພຊີວິດແມ່ນແກນຫລັກທີ່ສຳຄັນໃນການພັດທະນາເສດຖະກິດ ແລະ ສັງຄົມຂອງປະເທດ. ຈາກປະສົບການ ແລະ ຄວາມຊຳນິຊຳນານທີ່ດົນນານ ໃນພາກພື້ນອາຊີນີ້, ພຣູເດັນໂຊລ໌ ພ້ອມແລ້ວທີ່ຈະເຂົ້າມາມີບົດບາດ ໃນການພັດທະນາຂົງເຂດການປະກັນໄພຊີວິດ ແລະ ການບໍລິການທາງດ້ານການເງິນໃນໄລຍະຍາວ ແລະ ເພື່ອ ເປັນການໃຫ້ຄວາມຊ່ວຍເຫລືອ ຫລື ໃຫ້ຄຳແນະນຳທ່ານໃນການວາງແຜນ ການປົກປ້ອງ-ຄຸ້ມຄອງຄອບຄົວແລະ ຖານະທາງດ້ານການເງິນທີ່ໝັ້ນຄົງໃນອtນາຄົດ."