ບໍລິສັດ ພຣູເດັນໂຊລ໌ ລາວ ບໍລິຈາກໂທລະພາບ ໃຫ້ແກ່ 10 ໂຮງຮຽນເພື່ອສົ່ງເສີມ ໂຄງການ ຄວາມຮູ້ທາງດ້ານການເງິນ
ວຽງຈັນ, 20 ກໍລະກົດ 2021
ບໍລິສັດ ພຣູເດັນໂຊລ໌ ລາວ ປະກັນໄພຊີວິດ (ພຣູເດັນໂຊລ໌ ລາວ) ໄດ້ບໍລິຈາກໂທລະພາບໃຫ້ແກ່ 10 ໂຮງຮຽນເພື່ອຊ່ວຍສົ່ງເສີມຄວາມຮູ້ທາງດ້ານການເງິນຜ່ານໂຄງການ ຊາ-ຊິງ. ໂທລະພາບໄດ້ຮັບໂດຍ ທ່ານນາງ ຫຼຽນຄຳ ວິລາພັນ ປະທານ ຄະນະບໍລິຫານງານ ສະຫະພັນແມ່ຍິງ ນະຄອນຫຼວງວຽງຈັນ ພ້ອມດ້ວຍຄະນະ.
ໂທລະພາບເຫຼົ່ານັ້ນຈະຖືກສົ່ງໄປຍັງຫ້ອງສະໝຸດຂອງໂຮງຮຽນພ້ອມກັບ ໂຄງການ ຊາ-ຊິງ ທີ່ສ້າງຂຶ້ນ ເພື່ອໃຫ້ເດັກນ້ອຍສາມາດເບິ່ງລາຍການອະນິເມຊັ່ນໃນເວີຊັ່ນພາກສຽງເປັນພາສາລາວ ໂດຍສະເພາະເດັກນ້ອຍເພື່ອຊ່ວຍປູກຝັງທາງດ້ານການຈັດການການເງິນໃຫ້ພວກເຂົາຕັ້ງແຕ່ຍັງນ້ອຍ.
ທ່ານ ວີເຈ ມັດດາວັນ ປະທານບໍລິຫານ ພຣູເດັນໂຊລ໌ລາວ ໄດ້ກ່າວໄວ້ວ່າ: “ ພວກເຮົາເຊື່ອໝັ້ນວ່າການຮຽນຮູ້ທາງດ້ານການເງິນຕັ້ງແຕ່ຍັງນ້ອຍແມ່ນມີຄວາມສຳຄັນຫຼາຍ. ຊຶ່ງຄົນຮຸ່ນໃໝ່ຈະພັດທະນາທັກສະຊີວິດທີ່ສຳຄັນນີ້ເພື່ອຊ່ວຍໃຫ້ພວກເຂົາຕັດສິນໃຈທາງການເງິນໄດ້ດີຂຶ້ນ..”
ທ່ານນາງ ຫຼຽນຄຳ ວິລາພັນ ໄດ້ກ່າວເພີ່ມເຕີມວ່າ: “ ໜຶ່ງໃນເປົ້າໝາຍຫຼັກຂອງພວກເຮົາຄືການສ້າງຄວາມສາມາດໃຫ້ແກ່ກຸ່ມຄົນຮຸ່ນໃໝ່. ສອນໃຫ້ພວກເຂົາຮູ້ທາງດ້ານການເງິນຕັ້ງແຕ່ອາຍຸຍັງນ້ອຍສາມາດຊ່ວຍໃຫ້ພວກເຂົາເຕີບໂຕຂຶ້ນດ້ວຍຄວາມສາມາດໃນການເຂົ້າໃຈກ່ຽວກັບການຈັດການທາງດ້ານການເງິນໄດ້ດີຂຶ້ນ. ໂທລະພາບເຫຼົ່ານີ້ຈະຖືກໃຊ້ ແລະ ສະແດງໃຫ້ນັກຮຽນເຫັນໂຄງການ ຊາ-ຊິງ ຂອງພວກເຮົາ ໃນວິທີທາງທີ່ເດັກນ້ອຍຈະມ່ວນຊື່ນໄປກັບກິດຈະກຳພິເສດຕ່າງໆ.”
ໂທລະພາບທາງອົງການ Childfund Laos ຈະເປັນຜູ້ມອບໃຫ້ໂຮງຮຽນຕ່າງໆໃນນະຄອນຫຼວງວຽງຈັນ, ແຂວງຫົວພັນ ແລະ ແຂວງ ຊຽງຂວາງ ໃນເດືອນ ກໍລະກົດ 2021.
ກ່ຽວກັບ ຊາ-ຊິງ ສະມາດ ຄິສ
ຊາ-ຊິງ ແມ່ນໂຄງການຂອງ ພຣູເດັນສ໌ ຟາວເດເຊິນ ຊຶ່ງເປັນໜຶ່ງການລົງທຶນຂອງ ພຣູເດັນໂຊລ໌ ໃນອາຊີ ແລະ ແອຟຣິກາ. ໄດ້ຮ່ວມມືກັບ ກາຕູນເນັດເວິກ Cartoon Network ຊຶ່ງເປັນລາຍການສຳລັບເດັກນ້ອຍ ໃນພາກພື້ນອາຊີ ແປຊີຟິກ ແລະ ຮ່ວມກັບ Dr. Alice Wilder ຜູ້ຊ່ຽວຊານທາງດ້ານການສຶກສາ ແລະ ຈິດຕະວິທະຍາເດັກ ຊາ-ຊິງ ໃຊ້ວິທີເລົ່າເລື່ອງດ້ວຍດົນຕີໃຫ້ນັກຮຽນມີສ່ວນຮ່ວມ ແລະ ເໝາະສົມກັບອາຍຸຂອງພວກເຂົາກ່ຽວກັບ 4 ຄອນເຊັບການຈັດການເງິນພື້ນຖານທີ່ສຳຄັນ ເຊັ່ນ: ການຫາເງິນ, ທ້ອນເງິນ, ໃຊ້ຈ່າຍ ແລະ ບໍລິຈາກ.
ປັດຈຸບັນ ຊາ-ຊິງ ມີພາສາອັງກັດ, ບາຮາຊາ ອິນໂດເນເຊຍ, ບາຮາຊາ ມາເລເຊຍ, ຈີນກວາງຕຸ້ງ, ຈີນກາງ, ໄທ, ຫວຽດ, ຂະເມນ, ມຽນມາ, ລາວ ແລະ ຝຣັ່ງ.
ຊາ-ຊິງ ແມ່ນຊຸດວີດີໂອເພງ ອະນິເມຊັ່ນຄວາມຍາວ 3 ນາທີ ສຳລັບເດັກອາຍຸ 7-12 ປີ ອອກອາກາດຊ່ອງທາງ ກາຕູນເນັດເວີກ ເຊິ່ງມີຜູ້ຊົມ 35,000,000 ຄົວເຮືອນຕໍ່ມື້. ສ່ວນອື່ນໆຂອງໂປຼແກມລວມເຖິງເວັບໄຊທ໌(www.cha-ching.com) ພ້ອມກັບກິດຈະກຳ ແລະ ແຫຼ່ງຂໍ້ມູນຂ່າວສານສຳລັບເດັກນ້ອຍ, ຜູ້ປົກຄອງ ແລະ ຄູອາຈານ.
ຫຼັກສູດ ຊາ-ຊິງ ແມ່ນມີໂຄງສ້າງການສອນສຳລັບຄູ. ຫຼັກສູດນີ້ໄດ້ເປີດໂຕໃນປີ 2016 ແລະ ໄດ້ຮັບການຮັບຮອງຈາກກະຊວງສຶກສາທິການໃນອາຊີ ແລະ ແອຟຣິກາ ແລະ ຫຼັກສູດຍັງໄດ້ຮັບການສອນໃຫ້ແກ່ນັກຮຽນກວ່າ 600,000 ຄົນ ຈົນເຖິງປົດຈຸບັນໂດຍ ມີຄູຫຼາຍກວ່າ 15,000 ຄົນໄດ້ຮັບການຝຶກເປັນທີ່ຮຽບຮ້ອຍ.
ກ່ຽວກັບພຣູເດັນໂຊລ໌ ລາວ
ບໍລິສັດ ພຣູເດັນໂຊລ໌ລາວ ແມ່ນບໍລິສັດຍ່ອຍຂອງ ພຣູເດັນໂຊລ໌ ຄໍໂພເລຊັ່ນ ເອເຊຍ. ບໍລິສັດ ພຮູເດັນໂຊລ໌ ລາວ ໄດ້ເປີດບໍລິສັດໃນວຽງຈັນຕັ້ງແຕ່ເດືອນ ມີນາ ປີ 2015 ແລະ ໄດ້ຮັບໃບອະນຸຍາດປະກອບທຸລະກິດຈາກກະຊວງການເງິນ ເດືອນ ເມສາ ປີ 2016. ແລະ ເລີ່ມດຳເນີນທຸລະກິດໃນເດືອນ ພຶດສະພາ ປີ 2016 ແລະ ໄດ້ນຳສະເໜີຜະລິດຕະພັນປະກັນໄພຊີວິດ ແລະ ສຸຂະພາບທີ່ຕອບສະໜອງຄວາມຕ້ອງການທາງດ້ານການຄຸ້ມຄອງ ແລະ ການທ້ອນເງິນຂອງປະຊາຊົນລາວ. ປະຈຸບັນ ບໍລິສັດ ພຣູເດັນໂຊລ໌ ລາວ ໄດ້ກະຈາຍຜະລິດຕະພັນ ແລະ ການບໍລິການ ຜ່ານເຄືອຄ່າຍທະນາຄານທີ່ມີຊື່ສຽງຕ່າງໆ ແລະ ຄູ່ຮ່ວມທຸລະກິດ, ຂາຍຕົງຈາກພະນັກງານ ແລະ ແອັບພລິເຄຊັ່ນມືຖືແບບດິຈິຕັລ Pulse ຂອງພຣູເດັນໂຊລ໌.
ສາມາດຫາຂໍ້ມູນເພີ່ມເຕີມກ່ຽວກັບພຣູເດັນໂຊລ໌ລາວໄດ້ທີ່ເວັບໄຊທ໌ www.prudential.la .
ກ່ຽວກັບອົງການ ChildFund Laos
ອົງການ ChildFund ລາວ ເປັນສຳນັກງານໂຕແທນຂອງ ChildFund Australia ຊຶ່ງເປັນອົງພັດທະນາສາກົນທີ່ບໍ່ຂຶ້ນກັບລັດຖະບານ ທີ່ເຮັດວຽກຊ່ວຍເຫຼືອຫຼຸດຜ່ອນຄວາມທຸກຍາກໃຫ້ກັບເດັກນ້ອຍໃນການພັດທະນາຊຸມຊົນ.
ອົງການ ChildFund ເລີ່ມດຳເນີນວຽກໃນປະເທດລາວໃນປີ 2010 ແລະ ເຮັດວຽກຮ່ວມກັນເພື່ອສ້າງການປ່ຽນແປງຂອງຊຸມຊົນ ແລະ ລະບົບຊຶ່ງຊ່ວຍໃຫ້ເດັກນ້ອຍ ແລະ ເຍົາວະຊົນທີ່ອ່ອນແອ ໃນຄວາມຫຼາກຫຼາຍຂອງພວກເຂົາ ເພື່ອຢືນຢັນ ແລະ ຮັບຮູ້ເຖິງສິດທິຂອງພວກເຂົາ.ໂຄງການໄດ້ດຳເນີນໃນ ນະຄອນຫຼວງວຽງຈັນ, ແຂວງຫົວພັນ ແລະ ແຂວງຊຽງຂວາງ ລວມເຖິງພື້ນທີ່ອື່ນໆທີ່ທຸກຍາກ ຊຶ່ງລະເບີດຍັງບໍ່ທັນໄດ້ແຕກ ໃນປະເທດ.
ດ້ວຍຄວາມເອົາໃຈໃສ່ໃນການສະໜັບສະໜຸນສິດທິເດັກ ແລະ ການປັບປຸງການເຂົ້າເຖິງການສຶກສາທີ່ມີຄຸນນະພາບ ອົງການ ChildFund Laos ຍັງໄດ້ໃຫ້ຄວາມສຳຄັນກັບໂຄງການຕ່າງໆທີ່ເນັ້ນໃສ່ການບໍລິໂພກຂອງເດັກ, ສຸຂະພາບການສືບພັນທາງເພດ ແລະ ສິດທິ, ຄວາມຮູ້ຄວາມສາມາດຂອງສື່ມວນຊົນ ແລະ ຄວາມພ້ອມໃນການເຮັດວຽກ.