ພຣູເດັນໂຊລ໌ ລາວ ມອບທຶນອຸດໜຸນ ຟຣີ ໃຫ້ປະຊາຊົນລາວເພື່ອຕໍ່ສູ້ກັບສະຖານະການໂລກລະບາດ
26 ເມສາ 2021 - ຈາກສະຖານະການຂອງການລະບາດ ພະຍາດໂຄວິດ-19 ຄັ້ງທີ 2, ມື້ນີ ບໍລິສັດ ພຣູເດັນໂຊລ໌ ປະກັນໄພຊີວິດ (ລາວ) ຈຳກັດ (ພຣູເດັນໂຊລ໌ ລາວ) ໄດ້ປະກາດມອບ ທຶນອຸດໜຸນ* ໂຄວິດ-19 ແຄຣ໌ (ທຶນອຸດໜຸນ) ເພື່ອເປັນການສະໜັບສະໜູນ ແລະ ຄຸ້ມຄອງຊຸມຊົນລາວ. ໃນຖານະທີ່ເປັນຜູ້ນຳດ້ານປະກັນໄພຊີວິດ ແລະ ເປັນຜູ້ນຳທີ່ໜ້າເຊື່ອຖືໃນການໃຫ້ການຄຸ້ມຄອງ, ພວກເຮົາມີຄວາມພາກພູມໃຈມອບທຶນອຸດໜຸນ ຟຣີ ເພື່ອຊ່ວຍຄຸ້ມຄອງສຸຂະພາບຂອງປະຊາຊົນລາວ.
ທຶນອຸດໜຸນ ໂຄວິດ-19 ແຄຣ໌ ຈຳນວນ 5,000,000ກີບ ຈະຖືກຈ່າຍໃຫ້ກັບຜູ້ທີ່ລົງທະບຽນສຳເລັດໃນກໍລະນີທີ່ທ່ານຖືກກວດພົບວ່າໄດ້ມີເຊື້ອພະຍາດ ໂຄວິດ-19 ແລະ ທຶນອຸດໜຸນຈຳນວນ 15,000,000ກີບ ຈະຖືກຈ່າຍໃນກໍລະນີທີ່ມີການເສຍຊີວິດຈາກເຊື້ອພະຍາດ ໂຄວິດ-19.
ທຸກຄົນສາມາດລົງທະບຽນຮັບເອົາທຶນອຸດໜຸນ ໂຄວິດ-19 ແຄຣ໌ ຕັ້ງແຕ່ມື້ນີ້ ຈົນເຖິງ 31 ພຶດສະພາ 2021 (ທຶນອຸດໜຸນ COVID-19 ແຄຣ໌ ແມ່ນສຳລັບ 100,000 ຄົນທຳອິດທີ່ລົງທະບຽນ), ສຳລັບຄົນລາວ ແລະ ທຸກຄົນທີ່ອາໄສຢູ່ລາວຢ່າງຖືກຕ້ອງ ສາມາດລົງທະບຽນໃຫ້ຕົວເອງພ້ອມດ້ວຍລູກ 3 ຄົນ (ຖ້າມີ) ໃນການລົງທະບຽນໜຶ່ງຄັ້ງ. ໃນການລົງທະບຽນນີ້, ທຸກຄົນຈະໄດ້ຮັບສິດໃນການເອົາເງິນອຸດໜູນເລີ່ມຕັ້ງແຕ່ວັນທີ 10 ພຶດສະພາ 2021 ຈົນເຖິງວັນທີ 31 ກໍລະກົດ 2021.
ທ່ານວີເຈ ມັດຫາວັນ, ອຳນວຍການໃຫຍ່ຂອງ ພຣູເດັນໂຊລ໌ ລາວ ກ່າວວ່າ: “ພຣູເດັນໂຊລ໌ ລາວ ສະໜັບສະໜູນລັດຖະບານລາວໃນການປົກປ້ອງ ແລະ ຄຸ້ມຄອງຄົນລາວຈາກພະຍາດ ໂຄວິດ-19 ຜ່ານໂຄງການກວດຫາເຊື້ອ ແລະ ການສັກວັກຊີນ. ໃນເວລາດຽວກັນ, ພວກເຮົາມີຄວາມຕ້ອງການມີສ່ວນຮ່ວມໃນການໃຫ້ຄວາມຊ່ວຍເຫຼືອຊຸມຊົນດ້ວຍການໃຫ້ຄວາມຄຸ້ມຄອງທີ່ຈຳເປັນໃນການດຳລົງຊີວິດປະຈຳວັນ, ແລະ ຫວັງວ່າ ທຶນອຸດໜຸນ ໂຄວິດ-19 ແຄຣ໌ ຈະຊ່ວຍແບ່ງເບົາພາລະທາງການເງິນຂອງຄົນລາວໃນຊ່ວງວິກິດນີ້. ພວກເຮົາຫວັງວ່າຜ່ານໂຄງການອັນມີຄວາມໝາຍນີ້, ຄົນລາວ ແລະ ຄອບຄົວຈະເຂົ້າໃຈກ່ຽວກັບຄວາມສຳຄັນຂອງການປົກປ້ອງທາງການເງິນຫຼາຍຂຶ້ນ”.
ເພື່ອຮັບເອົາທຶນອຸດໜຸນ ໂຄວິດ-19 ແຄຣ໌, ທ່ານຕ້ອງລົງທະບຽນຜ່ານລິ້ງນີ້ ທີ່ເວັບໄຊທ໌ຂອງ ພຣູເດັນໂຊລ໌ ລາວ ເພື່ອຮັບສິດ. ສຳລັບຂໍ້ມູນເພີ່ມຕື່ມ, ສາມາດເບິ່ງທີ່ເວັບໄຊທ໌ ແລະ ເຟສບຸກຂອງ ພຣູເດັນໂຊລ໌ ລາວ ລວມໄປເຖິງຊ່ອງທາງຂອງຄູ່ຮ່ວມທຸລະກິດເຊັ່ນ: ທະນາຄານເອຊີລີດາລາວ, ທະນາຄານ ລາວ-ຝຣັ່ງ, ແລະ ທະນາຄານ ມາຣູຮານ ເຈແປນລາວ ແລະ ຄູ່ຮວມໂຄງການເຊັ່ນ: ໂລກາ ແລະ ໂກເທັດດີ.
ສຳລັບຜູ້ໃຊ້ແອັບພລິເຄເຊິ້ນເພົ້າສ໌ໂດຍ ພຣູເດັນໂຊລ໌ (ເພົ້າສ໌), ແອັບພລິເຄເຊິນທີ່ກ່ຽວກັບສຸຂະພາບຂອງບໍລິສັດ, ສາມາດລົງທະບຽນ ເອົາທຶນອຸດໜຸນ ໂຄວິດ-19 ແຄຣ໌ ເພີ່ມຕື່ມ ຈຳນວນ 5,000,000ກີບ (ເຊິ່ງລວມເປັນ 20,000,000ກີບ) ໃນກໍລະນີເສຍຊີວິດຈາກເຊື້ອພະຍາດໂຄວິດ-19. ທຸກຄົນສາມາດດາວໂຫຼດ ເພົ້າສ໌ ຟຣີ ແລະ ສາມາດເບິ່ງຂໍ້ມູນກ່ຽວກັບສຸຂະພາບແບບດິຈິຕອນຜ່ານລະບົບເອໄອເຊັ່ນ: Symptom Checker ແລະ Digital Health Twin ເຊິ່ງທຸກຄົນສາມາດໃຊ້ເຂົ້າໃນການດູແລສຸຂະພາບ.
ພຣູເດັນໂຊລ໌ ລາວ ຈະເພີ່ມ ທຶນອຸດໜູນ ຕື່ມອີກ 50% ສຳລັບພະນັກງານ ຫຼື ບຸກຄະລາກອນການແພດແຖວໜ້າທຸກຄົນ ເປັນຈຳນວນ 7,500,000ກີບ ໃນກໍລະນີທີ່ກວດພົບເຊື້ອພະຍາດ ໂຄວິດ-19 ແລະ ໃນກໍລະນີທີ່ມີການເສຍຊີວິດຈາກເຊື້ອພະຍາດ ໂຄວິດ-19 ແມ່ນຈະໄດ້ຮັບເງິນຈຳນວນສູງເຖິງ 30,000,000ກີບ.
ການລົງທະບຽນທັງໝົດ ແມ່ນມີໄລຍະເວລາການລໍຖ້າ 14 ວັນ ຫຼັງຈາກມື້ທີ່ລົງທະບຽນ ແລະ ຜູ້ທີ່ລົງທະບຽນທັງໝົດມີສິດໄດ້ຮັບເງິນອຸດໜູນພຽງຄັ້ງດຽວ.
ລາຍລະອຽດກ່ຽວກັບ ທຶນອຸດໜຸນ COVID-19 ແຄຣ໌ ຂອງ ພຣູເດັນໂຊລ໌ ລາວ
ສິດທິໃນການສະໝັກ
- ທຶນອຸດໜຸນ COVID-19 ແຄຣ໌ ແມ່ນສຳລັບ 100,000 ຄົນທຳອິດທີ່ລົງທະບຽນສຳເລັດພ້ອມດ້ວຍຄອບຄົວ.
- ຄົນລາວທຸກຄົນທີ່ມີອາຍຸລະຫວ່າງ 18 – 60ປີ ສາມາດລົງທະບຽນສຳລັບຕົວເອງ ພ້ອມດ້ວຍລູກທີ່ມີອາຍຸຕ່ຳກວ່າ 18ປີ ໄດ້ສູງສຸດ 3 ຄົນ.
ການລົງທະບຽນ
- ການລົງທະບຽນເອົາ ທຶນອຸດໜຸນ COVID-19 ແຄຣ໌ ແມ່ນເລີ່ມຈາກວັນທີ 26 ເມສາ - 31 ພຶດສະພາ 2021 ເທົ່ານັ້ນ.
- ທຸກຄົນສາມາດຮັບເອົາເງິນອຸດໜູນ COVID-19 ແຄຣ໌ ໃນຊ່ວງເວັນທີ 10 ພຶດສະພາ - 31 ກໍລະກົດ 2021 ເທົ່ານັ້ນ.
- ທຸກຄົນລົງທະບຽນສາມາດຜ່ານລິ້ງ ເທິງເວັບໄຊທ໌ ແລະ ເຟສບຸກຂອງ ພຣູເດັນໂຊລ໌ ລາວ ແລະ ສາມາດລົງທະບຽນຜ່ານ QR Code ຕ່າງໆເທິງໂຄສະນາຕ່າງໆ.
ເງິນອຸດໜູນ ໂຄວິດ-19 ແຄຣ໌
- ໃນກໍລະນີທີ່ຜູ້ລົງທະບຽນ ແລະ/ຫຼື ລູກທີ່ຢູ່ຮ່ວມອາໄສກັບຜູ້ລົງທະບຽນ ຖືກກວດພົບວ່າມີເຊື້ອ COVID-19 ພາຍໃນໄລຍະເວລາຮັບເງິນອຸດໜຸນ, ພວກເຂົາຈະມີສິດໄດ້ຮັບເງິນອຸດໜູນ 5,000,000 ກີບ.
- ໃນກໍລະນີທີ່ຜູ້ລົງທະບຽນ ແລະ/ຫຼື ລູກທີ່ຢູ່ຮ່ວມອາໄສກັບຜູ້ລົງທະບຽນ ເສຍຊີວິດຍ້ອນ COVID-19 ພາຍໃນໄລຍະເວລາຮັບເງິນອຸດໜຸນ, ພວກເຂົາຈະມີສິດໄດ້ຮັບເງິນອຸດໜູນ ສູງເຖິງ 20,000,000 ກີບ.
- ກໍລະນີທີ່ມີການບົ່ງມະຕິວ່າເປັນພະຍາດ ໂຄວິດ-19 ຜູ້ລົງທະບຽນຕ້ອງມີເອກະສານການຢັ້ງຢືນຈາກການແພດ ຫຼື ຈາກຫ້ອງວິໄຈສຳລັບການບົ່ງມະຕິພະຍາດໂຄວິດ-19ທີ່ຖືກຢັ້ງຢືນຈາກໂຮງໝໍທີ່ ລັດຖະບານອະນຸມັດພາຍໃຕ້ກະຊວງສາທາລະນະສຸກເພື່ອຈັດການທົດສອບ COVID-19. ໃນກໍລະນີ ມີການຮ້ອງຂໍເງິນອຸດໜູນການເສຍຊີວິດ, ໃບຢັ້ງຢືນການເສຍຊີວິດແມ່ນມີ ຄວາມຈຳເປັນ ແລະ ຕ້ອງມີການຢັ້ງຢືນຈາກທ່ານໝໍວ່າ COVID-19 ແມ່ນສາເຫດຂອງການເສຍ ຊີວິດ.
ຂໍ້ມູນເພິ່ມຕື່ມ
- ບຸກຄະລາກອນທາງການແພດ ແມ່ນບຸກຄົນທີ່ໄດ້ຮັບຄ່າຈ້າງ ຫຼື ບໍ່ໄດ້ຮັບຄ່າຈ້າງໃນສະຖານທີ່ຮັກສາສຸຂະພາບ ເຊິ່ງມີຄວາມສ່ຽງໃນການສຳຜັດໂດຍກົງ ຫຼື ໂດຍທາງອ້ອມຕໍ່ຄົນເຈັບ ຫຼື ວັດຖຸທີ່ຕິດເຊື້ອ ເຊິ່ງລວມແພດປິ່ນປົວ, ພະຍາບານ, ພະນັກງານແພດວິເຄາະ, ນັກສ້ອມແປງບຳລຸງຮັກສາອຸປະກອນການແພດ, ນັກຝຶກອົບຮົມກ່ຽວກັບການແພດ, ແລະ ອາສາສະໝັກຕ່າງໆ ພາຍໃຕ້ຂະແໜງສາທາລະນະສຸກທັງພາກລັດ ແລະ ເອກະຊົນໃນສປປລາວ.
- ໃນກໍລະນີທີ່ຕ້ອງການຮັບການຄຸ້ມຄອງສູງສຸດຈາກ ໂຄວິດ-19 ແຄຣ໌, ທຸກຄົນສາມາດດາວໂຫຼດແອັບພລິເຄເຊິນເພົ້າສ໌ໂດຍ ພຣູເດັນໂຊລ໌ ທີ່ເປັນແອັບກ່ຽວກັບສຸຂະພາບ. ສຳລັບຜູ້ທີ່ດາວໂຫຼດແອັບເພົ້າສ໌ແມ່ນຈະໄດ້ຮັບເງິນອຸດໜູນເພີ່ມຕື່ມ.
ຖ້າທ່ານອັດໂຫຼດຮູບໂປຣຟາຍການລົງທະບຽນຂອງແອັບເພົ້າສ໌, ທ່ານຈະໄດ້ຮັບການຄຸ້ມຄອງເພີ່ມຕື່ມ 5,000,000 ກີບ ໃນກໍລະນີທີ່ມີການເສຍຊີວິດຈາກພະຍາດໂຄວິດ19
Apple, the Apple logo, and iPhone are trademarks of Apple Inc., registered in the U.S. and other countries.
App Store is a service mark of Apple Inc., registered in the U.S. and other countries.
Google Play and the Google Play logo are trademarks of Google LLC.
ກ່ຽວກັບ ພຣູເດັນໂຊລ໌ ລາວ
ພຣູເດັນໂຊລ໌ ຄໍອອບໂປເຣເຊິນ ເອເຊຍ ເປັນເຈົ້າຂອງ ພຣູເດັນໂຊລ໌ ລາວ ແຕ່ພຽງຜູ້ດຽວ. ພວກເຮົາມີຫ້ອງການຕົວເເທນທີ່ນະຄອນຫຼວງວຽງຈັນໃນເດືອນ ມີນາ 2015 ເເລະ ໄດ້ຮັບໃບອະນຸຍາດການດຳເນີນທຸລະກິດຈາກກະຊວງການເງິນໃນເດືອນ ເມສາ 2016 ພຣູເດັນໂຊລ໌ ລາວ ເລີ່ມຕົ້ນທຸລະກິດໃນເດືອນ ພຶດສະພາ 2016 ແລະ ນຳເອົາຜະລິດຕະພັນປະກັນໄພຊີວິດທີ່ແທດເໝາະກັບ ຄວາມຕ້ອງການໃນການປົກປ້ອງຄຸ້ມຄອງ ແລະ ການສະສົມທຶນຂອງຄົນລາວ. ໃນປະຈຸບັນ, ບໍລິສັດ ພຣູເດັນໂຊລ໌ ລາວ ໄດ້ຈຳໜ່າຍຜະລິດຕະພັນຜ່ານ ລະບົບທະນາຄານ ທົ່ວປະເທດ, ຜ່ານລະບົບຂາຍກົງ, ລວມໄປເຖິງການຈຳໜ່າຍຜະລິດຕະພັນຜ່ານເທິງແອບພິເຄເຊິນເພົ້າສ໌ອີກດ້ວຍ.
ທ່ານສາມາດເບິ່ງຂໍ້ມູນເພີ່ມຕື່ມກ່ຽວກັບ ພຣູເດັນໂຊລ໌ ລາວ ທີ່ www.prudential.la
ກ່ຽວກັບ ເພົ້າສ໌ ໂດຍ ພຣູເດັນໂຊລ໌
ເພົ້າສ໌ແມ່ນ ແອັບພີເຄເຊີນກ່ຽວກັບສຸຂະພາບ ແລະ ເປັນ ໜຶ່ງດຽວໃນພາກພື້ນອາຊີ ໃນເຄືອ Prudential Corporate Asia ທີ່ຊ່ວຍໃນການຈັດການດ້ານສຸຂະພາບຕໍ່ຜູ້ໃຊ້. ໂດຍມີການນຳໃຊ້ ປັນຍາປະດິດ ຫຼື AI ເຂົ້າມາຊ່ວຍໃນການໃຫ້ຂໍ້ມູນທີ່ຖືກຕ້ອງຊັດເຈນ, ສາມາດເຂົ້າເຖິງຂໍ້ມູນກ່ຽວກັບສຸຂະພາບໄດ້ຕະຫຼອດເວລາ. ຊ່ວຍໃຫ້ຜູ້ໃຊ້ສາມາດ ຫຼີກລ້ຽງ, ປ້ອງກັນ ກ່ຽວກັບການພະຍາດ. ເພົ້າສ໌ແມ່ນ ເປັນສ່ວນໜຶ່ງຂອງຍຸດທະສາດຂອງ Prudential Corporate Asia, ທີ່ຢາກໃຫ້ທຸກໆຄົນໃນພາກພື້ນອາຊີ ສາມາດເຂົ້າເຖີງຂໍ້ມູນດ້ານສຸຂະພາບ ໄດ້ຢ່າງທົ່ວເຖິງ. ດ້ວຍເຕັກໂນໂລຢີທີ່ທັນສະໄໝ ແລະ ຄູ່ຮ່ວມທຸລະກິດທີ່ເຂັ້ມແຂງ.
ເພົ້າສ໌ແອັບພິເຄເຊິນ ໄດ້ເປິດໂຕຄັ້ງທຳອິດໃນເດືອນສິງຫາ ປີ 2019 ທີ່ ປະເທດມາເລເຊຍ ແລະ ໄດ້ນຳໃຊ້ແລ້ວໃນ 11 ປະເທດ ທົ່ວອາຊີ ທີ່ຢູ່ໃນເຄືອ Prudential Corporate Asia. ໂດຍມີ ການກວດສອບອາການບໍ່ສະບາຍໃນເບື້ອງຕົ້ນ ແລະ ການວິເຄາະສະພາບຮ່າງກາຍ, ການບໍລິການດ້ານສຸຂະພາບສ່ວນບຸກຄົນ, ແລະ ການໃຫ້ຄຳປຶກສາຈາກທ່ານໝໍ ແລະ ຜູ້ຊ່ຽວຊານທາງການແພດທີ່ຜ່ານການຮອງຮັບ
ຕັ້ງແຕ່ເປີດໂຕຫາປະຈຸບັນ ເພົ້າສ໌ແອັບພິເຄເຊິນ ຖືກດາວໂຫຼດຫຼາຍກວ່າ 23 ລ້ານເທື່ອໃນຂົງເຂດອາຊີ. ເພົ້າສ໌ແອັບພິເຄເຊິນ ສາມາດດາວໂຫຼດໄດ້ໃນ Apple/Google Play stores ໃນກຳປູເຈຍ, ຮົງ
ກົງ, ອິນໂດເນເຊຍ, ລາວ, ມາເລເຊຍ, ມຽນມາ, ຟິລິບປີນ, ສິງກະໂປ, ໄຕ້ຫວັນ, ໄທ ແລະ ຫວຽດນາມ.
ສຳລັບຂໍ້ມູນເພີ່ມເຕີມ, ແລະ ສາມາດດາວໂຫຼດ ເພົ້າສ໌ແອັບພິເຄເຊິນ, ເຂົ້າໄປໃນເວັບໄຊ www.wedopulse.com
*ຂໍ້ມູນລ່າສຸດຄັ້ງວັນທີ 23 ເມສາ 2021