ປີນີ້, ພວກເຮົາພູມໃຈທີ່ຈະໄດ້ສະເຫຼີມສະຫຼອງຄົບຮອບ 175 ປີ ຂອງ ພຣູເດັນໂຊລ໌, ລວມທັງ 100 ປີໃນອາຊີອີກດ້ວຍ.
ໃນລະຫວ່າງເວລານີ້, ພຣູເດັນໂຊລ໌ ໄດ້ຊ່ວຍໃຫ້ຄອບຄົວຫຼາຍລຸ້ນໄດ້ຮັບຜົນປະໂຫຍດສູງສຸດ, ຈາກພະນັກງານອຸດສາຫະກໍາໃນສະຕະວັດທີ 19 ຂອງອັງກິດຈົນເຖິງປະຊາຊົນທີ່ປະເຊີນກັບສິ່ງທ້າທາຍດ້ານສຸຂະພາບ ແລະ ເສດຖະກິດຂອງການລະບາດຂອງ ໂຄວິດ-19.
ປັນຈຸບັນ, ທຸລະກິດຂອງພວກເຮົາແມ່ນສຸມໃສ່ຄວາມຕ້ອງການດ້ານສຸຂະພາບ, ຄວາມໝັ້ນຄົງ ແລະ ສະຫວັດດີການຂອງລູກຄ້າຫຼາຍກວ່າ 19 ລ້ານຄົນ ໃນ 23 ຕະຫຼາດທົ່ວອາຊີ ແລະ ອາຟຣິກາ.
ໃນຂະນະທີ່ ພຣູເດັນໂຊລ໌ ມີການປ່ຽນແປງຢ່າງຫຼວງຫຼາຍນັບຕັ້ງແຕ່ປີ 1848, ແຕ່ຫຼັກການພື້ນຖານຂອງຄວາມຊື່ສັດ, ຄວາມປອດໄພແລະຄວາມຮອບຄອບຂອງພວກເຮົາຍັງນໍາພາພວກເຮົາໃນການສະຫນອງຄວາມປອດໄພໃນໄລຍະຍາວສໍາລັບລູກຄ້າຂອງພວກເຮົາແລະສ້າງມູນຄ່າທາງດ້ານສັງຄົມແລະເສດຖະກິດໃນຊຸມຊົນຂອງພວກເຮົາ.
ປະຫວັດຄວາມເປັນມາຂອງພວກເຮົາ: ມຸ່ງໝັ້ນໃນການບໍລິການລູກຄ້າຫຼາຍກວ່າ 175 ປີ
ວັນທີ 30 ພຶດສະພາ ປີ 1848, ບັນດາສຸພາບບຸລຸດກຸ່ມໜຶ່ງໄດ້ພົບປະກັນຢູ່ທີ່ນະຄອນຫຼວງລອນດອນ ເພື່ອສ້າງຕັ້ງສະມາຄົມປະກັນໄພ, ການລົງທຶນ ແລະ ກ່ຽວພັນກັບສິນເຊື່ອຂອງ ພຣູເດັນໂຊລ໌. ຮູບຂອງ ພຣູເດັນ ໄດ້ຖືກນຳໃຊ້ໃນການຮັບຮອງເອົາເປັນສັນຍາລັກທີ່ຈະໃຊ້ໃນປະທັບຕາຂອງບໍລິສັດ ແລະ ເປັນຕົວແທນຂອງຄຸນຄ່າຂອງທຸລະກິດ.
ໃນປີ 1923, ກິດຈະການຢູ່ຕ່າງປະເທດຄັ້ງທໍາອິດຂອງ ພຣູເດັນໂຊລ໌ ໄດ້ເປີດ ໃຫ້ບໍລິການຢູ່ໃນ ເມືອງກັລກັດຕາ, ປະເທດອິນເດຍ, ເຊິ່ງເປັນຈຸດເລີ່ມຕົ້ນຂອງການຂະຫຍາຍຕົວໄປທົ່ວໂລກຂອງພວກເຮົາ. ບັນດາຫົວໜ່ວຍຕົວແທນປະກັນໄພທົ່ວໄປ ກໍໄດ້ເປີດໃຫ້ບໍລິການຢູ່ໃນປະເທດຈີນ ແລະ ຟີລິບປິນໃນຊຸມປີ 1920, ແລະ ອີກບໍ່ດົນ ທຸລະກິດປະກັນໄພຊີວິດ ຈະໄດ້ຂະຫຍາຍໄປປະເທດມາເລເຊຍ ແລະ ສິງກະໂປ.
ພຣູເດັນໂຊລ໌ ໄດ້ເລີ່ມບາດກ້າວທຳອິດຂອງທຸລະກິດໃນອາຟຣິກາໃນປີ 1930, ໃນ ຊ່ວງເວລາທີ່ເຈົ້າໜ້າທີ່ສໍານັກງານໃຫຍ່ໄດ້ໄປສຳຫຼວດ ອາຟຣິກາໃຕ້ເປັນເວລາສອງອາທິດ. ຜົນການຄົ້ນພົບຂອງເຂົາເຈົ້າເຮັດໃຫ້ມີການສ້າງຕັ້ງສໍານັກງານໃຫຍ່ຂື້ນໃນ ເມືອງໂຈຫັນເນສເບິກ ໃນປີ 1931, ແລະ ຈັດຕັ້ງ ໜ່ວຍງານຕົວແທນໃນປີ 1932.
ມາຮອດປີ 1939, ລາຍໄດ້ຂອງທຸລະກິດໃນສາຂາປະກັນໄພຊີວິດ ຢູ່ຕ່າງປະເທດຂອງພວກເຮົາສາມາດແຂ່ງຂັນກັບທຸລະກິດໃນປະເທດອັງກິດ, ແລະ ທຸລະກິດສາກົນຂອງພຣູເດັນໂຊລ໌ ໄດ້ສືບຕໍ່ຂະຫຍາຍຕົວຢ່າງວ່ອງໄວ. ໃນປີ 1994, ບໍລິສັດພຣູເດັນໂຊລ໌ອາຊີໄດ້ຖືກສ້າງຕັ້ງຂຶ້ນ, ໂດຍໄດ້ເລັງເຫັນເຖິງທ່າແຮງທີ່ສູງໃນການເຕີບໂຕໃນອາຊີ.
ຫຼັງຈາກ ໄດ້ສຳເລັດການແບ່ງທຸລະກິດໃນປະເທດອັງກິດ ແລະ ສະຫະລັດອາເມລິກາ ໃນປີ 2021, ປັນຈບັນ ພວກເຮົາໄດ້ສຸມໃສ່ຕະຫຼາດ ໃນອາຊີ ແລະ ອາຟຣິກາທີ່ມີການຂະຫຍາຍຕົວຢ່າງວ່ອງໄວ.
ໃນຂະນະທີ່ພວກເຮົາສະເຫຼີມສະຫຼອງທັງສອງຄົບຮອບ 175 ປີ ແລະ 100 ປີໃນອາຊີ, ພວກເຮົາມີຄວາມພູມໃຈທີ່ໄດ້ເບິ່ງຄືນປະຫວັດສາດຂອງພວກເຮົາເພື່ອຕອບສະໜອງຄວາມຕ້ອງການດ້ານສຸຂະພາບ, ຄວາມໝັ້ນຄົງ ແລະ ສະຫວັດດີການຂອງລູກຄ້າຂອງພວກເຮົາ.