ພຣູເດັນໂຊລ໌ ຈັບມືກັບເຄປ໊ອບ SuperM ເປີດຕົວໂຄງການ “We DO Well Together”
ນະຄອນຫຼວງວຽງຈັນ, ສ ປປ ລາວ, ວັນທີ 4 ມັງກອນ 2021 - ພຣູເດັນໂຊລ໌ ຄໍເປີເລຊັນ ເອເຊຍ (ພຣູເດັນໂຊລ໌) ຈັບມືກັບວົງເຄປ໊ອບເກົາຫຼີຊື່ດັງ SuperM ເປີດໂຕແຄັມເປນໃໝ່ – We DO Well Together – ເພື່ອສົ່ງເສີມໃຫ້ຜູ້ຄົນທົ່ວເອເຊຍມີສຸຂະພາບແຂງແຮງ ມີຄວາມເປັນຢູ່ທີ່ດີ ພ້ອມທັງມ່ວນຊື່ນໄປກັບການໃຊ້ຊີວິດ.
ພຣູເດັນໂຊລ໌ ນັບເປັນບໍລິສັດປະກັນໄພຊີວິດ ລາຍທຳອິດໃນພູມິພາກເອເຊຍ ທີ່ປະກາດເປັນຄູ່ຮ່ວມພັນທະມິດກັບເຄປ໊ອບຊື່ດັງແຫ່ງຍຸກ ຢ່າງວົງ SuperM ທີ່ໄດ້ເປີດໂຕໃນປີ 2019 ຈາກການຮ່ວມມືຂອງ 2 ຄ່າຍຍັກໃຫຍ່ຢ່າງ ເອສເອັມ ເອັນເຕີເທນເມັນ (SM Entertainment) ແລະ ແຄປີຕອລ ມິວສິກ ກລຸ໊ບ (Capitol Music Group) ເຊິ່ງເປັນການລວມຕົວກັນຂອງສະມາຊິກ 7 ຄົນ ຈາກວົງເຄປ໊ອບຂອງເກົາຫຼີທີ່ມີແຟນຄລັບຫຼາຍລ້ານຄົນທົ່ວໂລກ SuperM ມີແນວດົນຕີ ແລະ ການສະແດງທີ່ປະສົມປະສານລະຫວ່າງຄວາມຄິດສ້າງສັນ ແລະ ພະລັງບວກທີ່ດີເລີດໄປດ້ວຍຈິດວິນຍານຂອງຄົນລຸ້ນໃໝ່ ທີ່ສາມາດເຂົ້າມາເຕີມເຕັມແຄັມເປັນ “We DO” “ພວກເຮົາຄືຄົນທີ່ລົງມືເຮັດ” ຂອງພຣູເດັນໂຊລ໌ໄດ້ຢ່າງລົງຕົວ.
ທ່ານ ນິກ ນິແຄນດຣູ ຜູ້ອຳນວຍການ ພຣູເດັນໂຊລ໌ ຄໍເປີເລຊັນ ເອເຊຍ ກ່າວວ່າ ພຣູເດັນໂຊລ໌ ແລະ SuperM ມີເປົ້າໝາຍຮ່ວມກັນໃນການສົ່ງເສີມໃຫ້ຜູ້ຄົນຄຳນຶງເຖິງຄວາມສຳຄັນຂອງການມີສຸຂະພາບ ແລະ ຄວາມເປັນຢູ່ທີ່ດີ ໂດຍສະເພາະຢ່າງຍິ່ງໃນຊ່ວງເວລານີ້ເຮົາຢາກສ້າງແຮງບັນດານໃຈໃຫ້ຜູ້ຄົນບັນລຸເປົ້າໝາຍຂອງການມີສຸຂະພາບທີ່ດີຜ່ານແນວຄວາມຄິດທາງບວກ ມີຄວາມກະຕືລືລົ້ນ ແລະ ຄວາມມ່ວນຊືນໄປໃນເວລາດຽວກັນ ”
ໃນຖານະທີ່ເປັນບໍລິສັດປະກັນຊີວິດທີ່ມຸ້ງເນັ້ນການຊ່ວຍໃຫ້ຜູ້ຄົນໄປເຖິງຈູດມຸ້ງໝາຍສູງສຸດໃນຊີວິດ ພຣູເດັນໂຊລ໌ໄດ້ໃຫ້ຄຳປຶກສາ ແລະ ຄວາມຊ່ວຍເຫຼືອແກ່ລູກຄ້າຫຼາຍລ້ານຄົນໃນເຂດອາຊີໃນດ້ານການດູແລສຸຂະພາບ ດ້ານການເພີ່ມພູນຄວາມໝັ້ນຄົງ ເພື່ອໃຫ້ພວກເຂົາສາມາດບັນລຸເປົ້າໝາຍໃນຊີວິດຕາມທີ່ວາງແຜນໄວ້
“ພຣູເດັນໂຊລ໌ ກ້າວຂ້າມຂອບເຂດການປົກປ້ອງ ແລະ ຄຸ້ມຄອງຊີວິດ ໂດຍການມອບບໍລິການດ້ານສຸຂະພາບແບບອົງລວມເພື່ອຊ່ວຍໃຫ້ຜູ້ຄົນປ້ອງກັນ ແລະ ຫຼຸດຜ່ອນການເກີດໄພໄຂ້ເຈັບຕ່າງໆ ເຮົາດຳເນີນງານຜ່ານແອບພີເຄຊັ້ນດ້ານສຸຂະພາບຊື່ວ່າ Pulse by Prudential ລວມເຖິງຜະລິດຕະພັນ ແລະ ການບໍລິການຄວບຄຸມຄວາມຕ້ອງການອັນຫຼາກຫຼາຍເພື່ອຊ່ວຍໃຫ້ຜູ້ຄົນມີສຸຂະພາບທີ່ດີ ແລະ ມີຊີວິດຍືນຍາວຂຶ້ນ ໂດຍໂຄງການລ້າສຸດນີ້ໄດ້ມຸ້ງເນັ້ນດ້ານສຸຂະພາບ ແລະ ຄວາມເປັນຢູ່ທີ່ດີເປັນຫຼັກ ຖືເປັນການເນັ້ນໜັກເຖິງຄວາມມຸ່ງໝັ້ນຢ່າງຕໍ່ເນືຶ່ອງຂອງ “ພຣູເດັນໂຊລ໌ ທີ່ຍຶດຖືລູກຄ້າເປັນຫົວໃຈຫຼັກໃນການດຳເນີນທຸລະກິດ “ທ່ານ ນິກ ນິແຄນດຣູ ໄດ້ກ່າວໄວ້
ສ່ວນວົງ SuperM ກ່າວວ່າ ໃນຂະນະທີ່ທັງໂລກກຳລັງພົບກັບຊ້ວງເວລາທີ່ລຳບາກຈາກແຜ່ລະບາດຂອງໄວຣັດໂຄວິດ 19 ພວກເຮົາໄດ້ເລັງເຫັນຄວາມສຳຄັນຂອງການສົ່ງຕໍ່ຄວາມຫວັງ ແລະ ພະລັງບວກໃຫ້ແກ່ຜູ້ຄົນໃຫ້ຫຼາຍທີ່ສຸດເທົ່າທີ່ຈະເປັນໄປໄດ້ ບໍ່ພຽງແຕ່ສະເພາະການມີສຸຂະພາບກາຍທີ່ດີ ແຕ່ລວມເປັນຖຶງຄວາມສຸກທາງໃຈດ້ວຍພວກເຮົາ ແລະ ພຣູເດັນໂຊລ໌ ມີເປົ້າໝາຍຮ່ວມກັນໃນການເສີມສ້າງສຸຂະພາບທີ່ດີ ແລະ ການເບິ່ງໂລກໃນແງ່ບວກໃຫ້ແກ່ຜູ້ຄົນທັງໃນຍາມສຸກ ແລະ ທຸກຜ່ານໂຄງການ “We DO Well Together““
ໃນປີ 2021 ນີ້ ພຣູເດັນໂຊລ໌ ແລະ ວົງ SuperM ມີແຜນຈັດກິດຈະກຳຕໍ່ເນື່ອງຕະຫຼອດທັງປີ ເພື່ອກະຕຸ້ນໃຫ້ຜູ້ຄົນສ້າງວິໄນໃນການມີສຸຂະພາບທີ່ດີ ແລະ ມີຄວາມສຸກກັບການເປັນຢູ່ທີ່ດີຍິ່ງໆຂຶ້ນໄປທັງນີ້ ໂຄງການດັ່ງກ່າວຈະໄດ້ພັດປ່ຽນກັນໄປທັງໝົດ 11 ປະເທດໃນອາຊີ ລວມມີ ກຳປູເຈຍ, ຮົງກົງ, ອິນໂດເນເຊຍ, ສປປ ລາວ, ມາເລເຊຍ, ມຽນມ້າ, ຟີລີປິນ, ໄຕ້ຫວັນ, ໄທ, ສິງກະໂປ ແລະ ຫວຽດນາມ ພຣູເດັນໂຊລ໌ ຈະແຈ້ງລາຍລະອຽດຂອງກິດຈະກຳຕ່າງໆໃຫ້ຮັບຮູ້ໃນໄວໆນີ້
ສາມາດເຂົ້າເບິ່ງວິດີໂອຂອງວົງ SuperM ໄດ້ທີ່ນີ້.
ກ່ຽວກັບ ພຣູເດັນໂຊລ໌ ຄໍເປີເລຊັນ ເອເຊຍ
https://www.prudentialcorporation-asia.com/
ພຣູເດັນໂຊລ໌ ຄໍເປີເລຊັນ ເອເຊຍ ຫຼື ພຣູເດັນໂຊລ໌ ເປັນໜຶ່ງໃນທຸລະກິດຂອງກຸ່ມ ບໍລິສັດ Prudential plc ດຳເນີນທຸລະກິດດ້ານປະກັນຊີວິດໃນເຂດອາຊີ ແລະ ອາຟຣິກາ ລວມເຖິງດຳເນີນທຸລະກິດການບໍລິຫານ ແລະ ຈັດການກອງທຶນລວມພາຍໃຕ້ຊື່ Eastspring Investments. ພຣູເດັນໂຊລ໌ ຊ່ວຍໃຫ້ຜູ້ຄົນເຂົ້າເຖິງຈຸດມຸ້ງໝາຍສູງສຸດໃນຊີວິດຜ່ານຜະລິດຕະພັນປະກັນຊີວິດປະເພດການອອມ ຄວາມຄຸ້ມຄອງ ແລະ ການລົງທຶນ ຊຶ່ງຕອບສະໜອງຕໍ່ຄວາມຕ້ອງການທີ່ຫຼາກຫຼາຍຂອງລູກຄ້າ ໂດຍມີສຳນັກງານໃຫຍ່ຕັ້ງຢູ່ ຮົງກົງ
ພຣູເດັນໂຊລ໌ ເປັນຜູ້ນຳດ້ານທຸລະກິດປະກັນຊີວິດໃນ 13 ປະເທດທົ່ວອາຊີ ໄດ້ແກ່ ກຳປູເຈຍ, ຈີນ, ຮົງກົງ, ອິນເດຍ, ອິນໂດເນເຊຍ, ສປປ ລາວ, ມາເລເຊຍ, ມຽນມ້າ, ຟີລີປິນ, ສິງກະໂປ, ໄຕ້ຫວັນ, ໄທ, ແລະ ຫວຽດນາມ. ແລະ ຍັງດຳເນີນທຸລະກີດໃນອີກ 8 ປະເທດໃນອາຟຣິກາ ໄດ້ແກ່ ແຄມເມີຣູນ, ໄອວໍຣິໂຄດ, ການາ, ເຄນຍາ, ໄນຈີເຣຍ, ໂຕໂກ, ຢູແກັນດາ, ແລະ ແຊັມເບຍ. ທັງນີ້ ພຣູເດັນໂຊລ໌ ໄດ້ອອກແບບຜະລິດຕະພັນທີ່ຄວບຄຸມ ແລະ ມີຄວາມສ້າງສັນ ເພື່ອຕອບສະໜອງຄວາມຕ້ອງການທີ່ແຕກຕ່າງຂອງລູກຄ້າກວ່າ 16 ລ້ານຄົນໃນທະວີບອາຊີ ແລະ ອາຟຣິກາຜ່ານຊ່ອງທາງການຈັດຈຳໜ່າຍແບບຫຼາກຫຼາຍ.
Eastspring Investments ບໍລິຫານ ແລະ ຈັດການ ການລົງທຶນໃຫ້ແກ່ກຸ່ມລູກຄ້າລາຍຍ່ອຍ ແລະ ລູກຄ້າສະຖາບັນທົ່ວອາຊີ ເປັນໜຶ່ງໃນບໍລິສັດຈັດການຊັບສິນໃຫຍ່ທີ່ສຸດແຫ່ງໜຶ່ງໃນພູມິພາກ ດຳເນີນທຸລະກິດໃນ 11 ປະເທດລວມເຖິງສຳນັກງານຂາຍໃນທະວີບອາຟຣິກາເໜືອ ແລະ ທະວີບເອີຣົບ ໂດຍມີຊັບສິນພາຍໃຕ້ການບໍລິຫານຈັດການຄິດເປັນ 220 ພັນລ້ານໂດລາສະຫະລັດ (ຄັ້ງທີ 30 ມິຖຸນາ 2020), ຜ່ານການບໍລິຫານກອງທຶກຫຼາກຫຼາຍປະເພດ ລວມເຖິງຮຸ້ນ ແລະ ລາຍຮັບຄົງທີ່
ອີງຕາມໜ້າທີເປົ້າໝາຍຂອງທາງບໍລິສັດ ທີ່ຕ້ອງການສ້າງລະບົບສາທາລະນະສູກໃຫ້ສາມາດເຂົ້າເຖິງໄດ້ງ່າຍສຳລັບທຸກຄົນ ‘Pulse by Prudential’ (Pulse) ໄດ້ດຳເນີນງານຄັ້ງທຳອິດຢູ່ ມາເລເຊຍ ເດືອນ ສິງຫາ ປີ 2019. ປັດຈຸບັນແມ່ນສາມາດໃຊ້ໄດ້ເຖິງ 12 ປະເທດທົ່ວ ອາຊີ ແລະ ອາຟຣິກາ. ເປັນແອັປທີ່ໃຊ້ລະບົບ AI ໃນການວິເຄາະຂໍ້ມູນແບບທັນຈິງ ເພື່ອບໍລິການລູກຄ້າ ໃຫ້ໄດ້ 24 ຊົ່ວໂມງ ແລະ 7 ວັນ ເຊິ່ງຊ່ວຍໃຫ້ພວກເຂົາສາມາດປ້ອງກັນ ຫຼຸດຜ່ອນ ພະຍາດຕ່າງໆໄດ້. ພາຍໃນເດືອນທັນວ່າ ປີ 2020 ແອັປໄດ້ຮັບການດາວໂຫຼດຫຼາຍກວ່າ 15 ລ້ານຄັ້ງໃນ ອາຊີ ແລະ ອາຟຣິກາ. ສາມາດເຂົ້າເບິ່ງຂໍ້ມູນໄດ້ທີ່ : www.wedopulse.com.
* ກຸ່ມບໍລິສັດ ພຣູເດັນໂຊລ໌ ໄດ້ຈົດທະບຽນຕະຫຼາດຫຼັກຊັບລອນດອນ (PRU.L), ຕະຫຼາດຫຼັກຊັບຮົງກົງ (2378.HK), ສິງກະໂປ (K6S.SG) ແລະ ນິວຢອກ (PUK.N). ກຸ່ມບໍລິສັດ ພຣູເດັນໂຊລ໌ ບໍ່ໄດ້ມີ ມິຕິສຳພັນ ຫຼື ຄວາມກ່ຽວຂ້ອງໃດໆກັບໃດໆກັບ Prudential Financial, ເຊິ່ງເປັນບໍລິສັດທີ່ມີສະຖານປະກອບການຫຼັກທີ່ສະຫະລັດອາເມລິກາ ຫຼື The Prudential Assurance Company, ເຊິ່ງເປັນບໍລິສັດໃນເຄືອຂອງ M&G plc ທີ່ຈົດທະບຽນດຳເນີນທຸລະກິດໃນຣາດຊະອານະຈັກ
ກ່ຽວກັບວົງ SuperM
SuperM, ສຸດຍອດວົງບອຍແບນເຈົ້າຂອງສາຍາ ອະເວັນເຈີເຄປ໋ອບຖືກຳເນີນໃນປີ 2019 ຈາກຄວາມຮ່ວມມືຂອງສອງຄ້າຍຍັກໃຫຍ່ເຊັ່ນວ່າ SM Entertainment ແລະ ການຮ່ວມຕົວຂອງສະມາຊິກ 7ຄົນຈາກວົງເຄປ໋ອບແຖວໜ້າຂອງເກົາຫຼີໃຕ້ໃນສັງກັດຄ້າຍດັ່ງກ່າວເຊັ່ນວ່າ TAEMIN ຈາກ SHINee, BAEKHYUN ແລະ KAI ຈາກ EXO, TAEYONG ແລະ MARK ຈາກ NCT 127 ແລະ TEN ແລະ LUCAS ຈາກ WayV. ທັງນີ້ວົງ SuperM ສ້າງປະຫວັດສາດເປັນວົງການດົນຕີຈາກອາຊີວົງທຳອິດທີ່ຄອງອັນດັບໃນ US Billboard 200 ຍິ່ງໄປກວ່ານັ້ນ SuperM ປະສົບຄວາມສຳເລັດລະດັບນານາຊາດດ້ວຍການຄອງອັນດັບໜຶ່ງໃນ Billboard's Artist 100 Top Album Sales, Top Current Albums, Digital Albums, Internet Albums, World Albums, ແລະ World Digital Song Sales charts ເຊິ່ງສາມາດຄອງອັນດັບອາລະບ້ຳທີ່ມີຍອດຂາຍສູງສຸດທົ່ວໂລກ.